आठवणींच्या गंधकोषीमध्ये मंगेश पाडगावकर

आकाशवाणीवरील ‘आठवणींच्या गंधकोषी’मध्ये मंगेश पाडगावकर
मुंबई, २८ जानेवारी / प्रतिनिधी
आकाशवाणी मुंबई केंद्राच्या ‘अस्मिता’ वाहिनीवरील ‘वनिता मंडळ’ या कार्यक्रमात ज्येष्ठ कवी मंगेश पाडगावकर यांची मुलाखत फेब्रुवारी महिन्यातील चार रविवारी प्रसारित करण्यात येणार आहे. वनिता मंडळ या कार्यक्रमात ‘आठवणींच्या गंधकोषी’ही मुलाखत घेण्यात आली असून ती चार भागात आहे.
दर रविवारी दुपारी १२.०५ वाजता ही मुलाखत श्रोत्यांना ऐकता येऊ शकेल. अस्मिता वाहिनीचे निवेदक दिनेश अडावदकर यांनी ही मुलाखत घेतली असून कार्यक्रमाची निर्मिती उमा दीक्षित यांची आहे.